Dodoblehin ng Department of Transportation ang kapasidad ng Metro Rail Transit (MRT) sa loob ng isang taon.
Ayon kay Transport Undersecretary for Rail Noel Eli Kintanar, ang dating limang minutong pagitan sa pagdating ng tren ay gagawin na lamang nilang tatlong minuto para mabilis ang ikot ng mga tren.
Maliban aniya sa dagdag sa kasalukuyang 16 na tren ng MRT, dadagdagan rin nila ng isang bagon ang bawat tren upang maitaas sa 30,000 ang kasalukuyang 14,000 pasahero kapag peak hours.
Ipinaliwanag ni Kintanar na bagamat may mga bago nang bagon, hindi pa nila ito maipatupad hanggat hindi naisasaayos ang power suplay ng MRT.
Minamadali na anya ngayon ang pag-award ng kontrata para sa pagpapalaki ng sub-station ng power supply para sa MRT.
Ayon kay Kintanar, isa sa dahilan ng pagtirik ng tren ay ang maliit na sub-station ng power supply.
By Len Aguirre