Iginagalang ng kampo ni Senator Grace Poe ang opinyon ni Davao City Mayor Rodrigo Duterte hinggil sa disqualification case laban sa senadora.
Ito’y kasunod ng iginiit ni Duterte na dismayado siya sa resulta ng botohan sa kaso ni Poe sa Senate Electoral Tribunal o SET dahil hindi umano ito isang natural-born Filipino.
Sa panayam ng DWIZ, sinabi ni Valenzuela Mayor Rex Gatchalian, tagapagsalita ni Poe, hindi rin sila nababahala kung nadagdagan man ang mga kalaban ni Poe dahil sa pasya ni Duterte.
Sa kabila umano ng iba’t ibang isyung ipinupukol kay Poe, kumpiyansa rin si Gatchalian na susuportahan pa rin ito ng taumbayan.
“Naniniwala ang taong bayan na patuloy siyang sinuportahan dahil sa narinig nilang plataporma, programa at mga plano ni Senator Poe kaya siya naging number 1.” Pahayag ni Gatchalian.
By Jelbert Perdez | Karambola
