Suportado ng partido ni Pangulong Rodrigo Duterte ang agresibong kampanya ni Chairman Martin Dino laban sa smuggling at korapsyon sa SBMA o Subic Bay Metropolitan Authority.
Ayon kay PDP – Laban President, Senate President Koko Pimentel, kinakailangan ang matatag na liderato ni Dino para linisin ang SBMA at mapataas pa ang potensyal nito na maging bahagi ng pagpapaunlad ng ekonomiya ng bansa.
Bukod sa determinasyon, naniniwala si Pimentel na buong-buo ang tiwala at kumpyansa ng Pangulo kay Dino bilang pinuno ng SBMA.
Una nang pinalagan ng ilang board ng SBMA ang pagbuo ng task force ni Dino para tumutok sa business at financial operation ng naturang special economic zone sa pagsasabing ito ay labas na sa kapangyarihan niya bilang chairman.
By Rianne Briones
