Pino pondohan ng mga makapangyarihang interest groups ang propaganda campaign para palakasin ang impeachment complaint na isinampa ni Atty. Larry Gadon laban kay Supreme Court Chief Justice Maria Lourdes Sereno.
Binigyang diin ito ng kampo ni Sereno kasabay ang hamon sa House Justice Committee na i akyat na sa Senado ang reklamo kung naniniwala silang solido ang mga ebidensya ni Gadon laban sa punong mahistrado.
Sinabi ni Atty Winnie Salumbides, isa sa mga abogado ni Sereno na hindi naman naniniwala ang taumbayan sa mga alegasyon ni Gadon laban kay Sereno, kahit pa aniya puspusan ang propaganda war.
Una nang inihayag ng kampo ni Sereno na ang pinakahuling psywar sa usapin ay inaasahang pagharap ng ilan pang mahistrado ng high tribunal kabilang si Senior Associate Justice Antonio Carpio sa impeachment hearing sa Kamara sa susunod na buwan.
