Inamin ng PDEA o Philippine Drug Enforcement Unit Region 8 na patuloy pa rin ang kalakaran ng iligal na droga sa eastern Visayas.
Ito ay kasunod na rin ng pagsisiwalat ni PNP o Philippine National Police Chief Director General Ronald ‘Bato’ Dela Rosa na may mga umuusbong na bagong drug lords sa nasabing rehiyon.
Ayon kay PDEA-Region 8 Director Edgar Jubay, may mga drug lords sa nasabing rehiyon ang nagbabalak na pumalit sa posisyon ni Kerwin Espinosa bilang pinuno sa pagbebenta ng mga iligal na droga eastern Visayas.
Kinumpirma rin ni Jubay na maging sa mga kulungan ay nagpapatuloy pa rin ang bentahan ng mga iligal na droga.
Gayunman, tiniyak ni Jubay na patuloy ang kanilang pagmo-monitor para mapigilan ang paglawak pa ng operasyon ng mga bagong drug lord sa Region 8.
By Krista de Dios
