Pumalo na sa kabuuang 47,194 ang kabuuang bilang ng mga dinapuan ng Covid-19 sa hanay ng Philippine National Police (PNP).
Ito’y matapos na maitala ng PNP Health Service ang 204 na bagong kaso ng virus.
3,151 naman ang bilang ng mga aktibong kaso sa Covid-19.
Habang 43,917 ang bilang ng mga nakarekober sa sakit.
Samantala, nananatili sa 126 ang kabuuang bilang ng mga nasawi sa Covid-19 sa hanay ng PNP. —sa panulat ni Airiam Sancho
