Binale-wala lamang ni Communist Party of the Philippines (CPP) Founder Jose Maria Sison ang banta sa kanya ni Pangulong Rodrigo Duterte na papatayin siya oras na hindi magtagumpay ang usapang pangkapayapaan.
Ayon kay Sison, sanay na siya sa maraming pagbabantang ginagawa laban sa kanya ni Pangulong Duterte.
Naisip rin nito na marahil ang paggamit ng marahas na salita ng Pangulo ay pagpapakita lamang nito ng matinding pagnanais na maisulong ang peace talks.
Matatandaang noong nakaraang buwan nang imbitahan ng Pangulo si Sison na bumalik sa Pilipinas para muling buksan ang usapang pangkapayapaan.
—-
