Nakatakda nang isampa ng MPD o Manila Police District ang kasong Perjury laban kay John Paul Solano na isa sa mga pangunahing suspek sa pagkamatay ng UST Law Freshman na si Horacio Tomas “atio” Castillo III.
Sa panayam ng DWIZ kay MPD Spokesman Supt. Erwin Margarejo, mayruon nang waiver of detention si Solano kaya’t maaari nanila itong ikulong kahit lampas na sa 36 hour reglementary period.
Ihahain ng MPD ang kaso laban kay Solano sa Department of Justice sa Lunes, Setyembe 25 o dalawang araw bago ihatid sa huling hatungan si Atio sa Miyerkules, Setyembre 27.
Matatandaang si Solano ang nagdala kay Atio sa Chinese General Hospital nuong isang linggo kung saan, idineklara itong dead on arrival dahil sa mga tinamong bugbog sa katawan nito.
SMW: RPE
