Nagsalita na ang asawa ni Moira Dela Torre na si Jason Marvin Hernandez, kaugnay sa mga ispekulasyong hiwalay na sila ng kaniyang asawa.
Sa tweet ni Jason nitong Sabado, iginiit ng lalaki na nananatili pa rin silang kasal at hindi nangaliwa si Moira.
Hindi rin aniya totoo na magkaiba ang sinusuportahan nilang tumatakbong pangulo, na dahilan ng kanilang paghihiwalay.
Nitong Holy Week, unang kumalat sa social media ang balita kung saan ayon sa isang fan, binura ni Moira ang mga post kasama si Jason sa Instagram at TikTok.
Wala pa namang pahayag si Moira hinggil sa isyu. — sa panulat ni Abby Malanday
