Pinangalanan na kung sino ang magiging Valentina TV series na Darna ng ABS-CBN.
Si Janella Salvador ang napiling karakter na gaganap bilang Valentina na makakalaban ng character ni Jane De Leon bilang Darna.
Nitong mga nakalipas na taon ay nabitin ang mga Pinoy kung sino nga ba talaga ang gaganap sa nasabing karakter lalo’t ito talaga ang huling ibinunyag.
Kabilang si Janella sa mga female star na nag-audition sa isa sa pinaka-aabangang role at mismong si Direk Chito Roño ang pumili sa kanya.
Ito ang kauna-unahang pagkakataon na muling lalabas si Janella sa telebisyon o ang kanyang showbiz “comeback” matapos ang ilang taong pagpapahinga kaya maraming nag-aabang sa muling pagpapakita ng acting skills nito.
Maguguntaing iniwan niya ang showbiz nang isilang ang kanilang first baby ng boyfriend na si Markus Patterson sa United Kingdom noong isang taon. —sa panulat ni Drew Nacino
