Wala pang plano ang pamunuan ng Isetann Mall sa mga empleyado nilang naapektuhan ng kanilang pagsasara.
Ito’y matapos ipasara ng pamahalaang Lungsod ng Maynila ang naturang gusali dahil sa ilang paglabag sa ordinansa at misrepresenting applications sa mga permit.
Sa pahayag ng pamunuan ng mall, pinag-aaralan pa nila ang kanilang magiging hakbang.
Nakatakda pa lang din umano silang makipag pulong sa kanilang mga tenant at empleyado dahil nasorpresa rin sila sa pagsasara ng kanilang mall.
Gayunman, inamin naman ng pamunuan ng Isetann Mall na may pagkukulang sila sa permit. Kahapon, mismong si Manila Mayor Isko Moreno ang nagpaskil sa main entrance ng mall ng closed sign.
