Patay ang isang sundalo matapos pagbabarilin ng hindi pa nakikilalang salarin sa Barangay Rosary Heights Mother sa Cotabato City.
Kinilala ang biktima na si Sergeant Mike Apolinarion Elumba, 33 anyos, residente ng Barangay Rosary Heights 10 at nakadestino sa 3rd Scout Ranger Battalion sa Pagadian City.
Ayon kay police station 2 Commander Police Captain Rustum Pastolero, pinagbabaril ang biktima habang minamaneho nito ang kaniyang motorsiklo.
Aniya, hinala nila ay sinundan si Elumba matapos itong bumili ng piyesa ng motorsiklo sa bayan.
