Nasabat ng mga otoridad ang isang sulat na mayroong direktiba kaugnay sa paggawa ng bomba mula sa isang miyembro ng Abu Sayyaf na nakakulong sa Metro Manila District Jail sa Bicutan, Taguig City.
Tumanggi pa si Supt. Eleazar Mata, hepe ng National Capital Region Police Office o NCRPO Regional Intelligence Division na pangalanan ang nasabing bandido na naka-kulong sa SICA o Special Intensive Care Area 1 kasama ang mga kapwa miyembro ng Abu Sayyaf.
6:00 kaninang umaga nang isagawa ang apat (4) na oras na oplan galugad ng Regional Safety Battalion ng NCRPO katuwang ang intelligence operatives.
Nagsagawa naman ng surprise inspection sa SICA 2 kung saan nakuha naman sa mga nakakulong na miyembro ng MILF at MNLF ng ilang piraso ng papel na mayruong celfon numbers at tatlong celfon units.
By Judith Larino
