Pinaplano ng isang senador na paimbestigahan sa senado ang naganap na hostage taking sa PNP Custodial Center kung saan biktima si Dating Senator Leila De Lima.
Ito ang sinabi ni Senator Risa Hontiveros kung hindi magiging katanggap tanggap ang magiging paliwanag at resulta ng imbestigasyon.
Ayon kay Hontiveros, maghahain siya ng resolusyon para paimbestigahan sa senado ang naganap na pag-hostage kay De Lima ng ilang miyembro ng Abu Sayaff Group.
Dapat aniya maipaliwanag ng pnp at ng Department of Justice kung bakit madaling nakapasok sa bilangguan ni De Lima ang armadong myembro ng ASG samantalang hirap na pumunta at dumalaw doon.
Iginiit naman ni Hontiveros na kailangang masuri ang breach of duty, o kamalian at kakulangan sa seguridad ni de lima upang matiyak na hindi ito muling mangyayari.
Sa ngayon, panawagan ni Hontiveros kay Pangulong Bongbong Marcos Jr at sa buong administrasyon na gawin ang moral at legal na paraan at palayain na si De Lima. - sa ulat ni Cely Ortega- Bueno (Patrol 19)