Natagpuang patay ang isang Overseas Filipino Worker (OFW) sa Dubai, United Arab Emirates (UAE) at puno ng saksak sa katawan.
Kinilala ang Pinay na si Maria Lenlie Oliverio, 26-taong gulang at tubong Negros Occidental.
Kaugnay nito, sinabi ni Consul General Paul Raymund Cortes na patuloy namang iniimbestigahan ng mga awtoridad sa Dubai ang insidente.
Inaalam pa rin kung sino ang posibleng pumatay sa Pinay at kung ano ang motibo.
Samantala, batay naman sa Facebook account ni Oliverio, kapansin-pansin ang kanyang pagbuko na mayroon siyang isang Indian national na boyfriend at isa umanong seloso.
Patuloy naman ang pakikipagtulungan ng konsulado sa kaanak ng OFW at tutulungang maiuwi pabalik dito sa bansa ang labi ng nasabing Pinay.
By Allan Francisco
