Nakatanggap ng pagkilala ang dalawang food delivery rider makaraang magsauli ng wallet sa may-ari sa Cebu at Taytay.
Una nang pinarangalan si Ruben Mangubat ng Cebu matapos niyang iturn-over sa Mandaue City Police Office Station ang napulot na wallet na naglalaman ng P26K.
Laking tuwa ng may-ari ng malaman nitong natagpuan at isinauli ang kaniyang wallet ng mabuting delivery rider na hindi naman nagdalawang isip para iturn-over sa mga otoridad.
Samantala, hinirang ang isa pang rider na si Ali Concepcion matapos nitong isurrender ang natagpuang wallet, at mismong si Taytay Mayor Joric Gacula pa ang tumanggap nito at nagbigay komendasyon sa matapat na rider.
Laking pasasalamat naman ang may-ari ng wallet, habang nagbigay din papuri ang mga netizens at kapwa rider ni Concepcion.
Nagpapatunay lamang ito na sa kabila ng hirap ng buhay ngayong panahon ng pandemiya ay hindi parin naaalis sa puso ng mga Pilipino ang mabuting gawain. — sa panulat ni Angelica Doctolero
