Bumigay ang isang overpass guardrail sa Parañaque City matapos mabangga ng isang trailer truck.
Naganap ang insidente ngayong araw sa bahagi ng A. Santos sa Sucat.
Ayon sa driver ng trak na kinilalang si Carlos Saplad Jr., mabagal lamang ang kaniyang pagmamaneho kaya hindi niya inakalang babangga ang sasakyan sa vertical clearance.
Dahil sa lakas ng pagbangga, humiwalay pa ang container mula sa trak.
Sinabi naman ng Parañaque City government na isasara nila ang overpass para maiwasan ang disgrasya.
Noong 1990 pa itinayo ang overpass na nagkakahalaga ng sampung milyong piso.
