Isang Overseas Filipino Worker (OFW) sa Singapore ang nasagip matapos abusuhin ng mga amo.
Kinilala ang OFW na si Thelma Oyasan Gawidan, 45 anyos, habang nahaharap sa kaso ang mag-asawang Singaporean employers nito na sina Lim Choon Hong at Chong Sui Foon.
Sa salaysay ni Gawidan, ginutom siya ng mag-asawa at tanging noodles ang pinapakain sa kanya ng mga dalawang beses sa isang araw sa loob ng halos isang taon.
Hindi rin nakatutulog sa tamang oras ang Pinay kaya’t nangayayat at nabawasan ng 20 kilo ang timbang nito.
Nakatakas lamang si Oyasan nang makahingi ng tulong sa mga kapwa migrante.
Nahaharap naman sa hanggang isang taong pagkakabilanggo ang mag-asawa at pagmumultahin ng 10,000 Singaporean dollars.
By Drew Nacino | Allan Francisco
