Tiniyak ng Malacañang na daraan sa masusing imbestigasyon ang reklamong kinahaharap ng isang kompanya ng sigarilyo na gumagamit umano ng pekeng Tax Stamps.
Magugunitang sinabi ni Bureau of Internal Revenue o BIR Commissioner Caesar Dulay, natuklasan nilang maraming pekeng tax stamps ang nakalagay sa cigarette packs nito.
Sinabi ni Presidential Spokesman Ernesto Abella, aasahan ang due process sa imbestigasyon at pananagutin ang nasabing kompanya sa oras na mapatunayang nandaraya ito sa pagbabayad ng buwis.
Ayon pa kay Abella, ipauubaya na sa Presidential Communications Office ang pag-iimbestiga sa overprinting ng tax stamps na maaring may kinalaman sa mga pekeng tax stamps.
By: Avee Devierte / Aileen Taliping
