Patay ang isang intelligence officer sa M’LAng, Cotabato matapos pagbabarilin ng dalawang suspek na sakay ng motorsiklo.
Kinilala ni M’LANg Disaster Risk and Management Officer Constantino Diazon ang biktima na si Police Officer 3 Lovel Tan na nakatalaga sa intelligence unit ng M’lang Police Station.
Ayon kay Diazon, umiinom ng kape sa loob ng kanyang boarding house si Tan 8:00 ng umaga ng Lunes nang pagbabarilin ng mga suspek.
Hinihinalang may kaugnayan sa mga nasagasaan ni Tan sa anti-illegal drugs operations ang nasa likod nang pagpatay dito.
Iniimbestigahan na ng mga otoridad ang nasabing insidente kung saan narekober sa lugar ang pitong bala ng caliber 45 pistol.
By Judith Larino
