Idineklarang ‘persona non grata’ ng Baguio City Council si Cabanatuan Judge Nelson Lagro.
Kasunod ito ng personal na kahilingan ni Baguio City Mayor Benjamin Magalong na ideklarang ‘persona non grata’ ang hukom matapos itong maglabas ng subpoena laban sa dalawang traffic enforcers na humuli sa kaniya dahil sa illegal parking sa loob ng Baguio Market.
Nilabag din ng hukom ang City Number Coding Ordinance.
Unanimous ang boto ng City Council sa resolusyon na nagdedeklarang persona non grata si Lagro sa kanilang lungsod.
Nuong isang linggo ay sumulat si Magalong kay Supreme Court Chief Justice Diosdado Peralta para tugunan ang aniya’y unprofessional and arrogant na si Lagro dahil sa ginawang pag trato sa traffic enforcers na ginagawa lamang aniya ang kaniyang trabaho.
