Binalaan ni Pangulong Rodrigo Duterte ang isang di pinangalanang mayor ng Albay matapos makarating sa chief executive na pinagbabantaan nito ang buhay ng naulilang maybahay ng pinaslang na si Ako Bicol Party list Representative Rodel Batocabe.
Ayon sa pangulo, sya mismo ang nagbigay ng go signal sa nabiyuda ng mambabatas na si Gerti Duran-Batocabe para tumakbong alkalde sa Daraga, Albay, sa 2019 elections.
Giit ng punong ehekutibo, kapag nakarinig pa sya ng balita na tinatakot ang misis ng pumanaw na mambabatas, siya mismo ang pupunta sa bahay ng naturang local official upang sampalin ito sa harap mismo ng kanyang pamilya.
