Arestado ang isang guro matapos mangikil at magbanta ng pambobomba at pamamaril, sa maraming paaralan sa Metro Manila.
Ayon kay Colonel Randy Silvio ng CIDG National Capital Region Field Unit, kinilala ang suspek na si Jake Castro, nagtuturo sa isang pribadong paaralan sa Barangay Pamplona at nagpakilalang miyembro ng rebeldeng New People’s Army (NPA).
Naaresto si Castro sa pamamagitan ng entrapment operation sa tulong ng principal ng isang paaralan.
Maliban sa pangingikil sa 33 paaralan sa Metro Manila, nagbanta rin ang suspek na papasabugin ang ilang paaralan sa Parañaque at Quezon City.
Gamit ni Castro sa transaksyon ang email na newpeoplesarmy1969@gmail.com.
Patuloy namang inaalam ng PNP kung tunay na miyembro ng NPA si Castro.
