Hinangaan at pinapurihan ang katapangan ng isang grade 10 student sa Biñan, Laguna.
Kanya kasing iniligtas ang isang aso na nahulog sa ilog.
Sa kuha ng video, kita ang katapangan ng 16 anyos na si Angelo Flores habang bumaba sa riprap ng nagngangalit na ilog para lang abutin ang kaawa-awang aso.
Sa pamamagitan lamang ng pagkapit sa mga nakalaylay na damo at hawakan sa gilid ng ilog.
Matagumpay na nailigtas ang aso.
Inilarawan naman ng animal kingdom foundation bilang batang bayani ni Angelo.
