Nadakip ang isang babae matapos magbenta ng ilegal na organ enchancement cream na napakadelikado sa maselang bahagi ng katawan lalo na sa mga kalalakihan.
Sa isang ulat, naaresto ang babaeng suspek na kinilalang si Ellen Joy Reyes matapos tanggapin ang bayad sa undercover agent ng National Bureau of Investigation- Intellectual Property Rights Division (IPRD).
Nakuha sa suspek ang marked money at ilegal na produktong ibinebenta.
Ayon sa NBI, kabilang si Reyes sa grupong nag-aalok online ng hindi rehistradong male enchancement cream sa halagang 600 pesos.
Nakakapagbenta umano ang grupo ng 20 piraso kada araw sa Metro Manila at kalapit probinsya.
Nahaharap sa reklamong paglabag sa FDA Act ang suspek. —mula sa panulat ni Maize Aliño-Dayundayon
