Isa sa mga pangunahing kampo ng NPA sa Palawan nakubkob na ng militar

Nakubkob na ng Philippine Marines ang isa sa mga pangunahing kampo ng  New People’s Army sa Bataraza, Palawan.

Nadiskubre ang kampo sa Sitio Kambingan, barangay Mahilud ilang oras matapos magka-sagupa ang mga miyembro ng  marine battalion landing team-4 at ilang rebelde.

Ayon kay AFP-Western Command Spokesperson, Capt. Cherryl Tindog, nag-ugat ang bakbakan sa ilang serye ng pag-atake ng npa sa ilang bahagi ng palawan partikular ang pagpapasabog sa bayan ng roxas na ikinasawi ng dalawang sundalo.

Makikita sa kampo ang dalawampu’t isang kubo, isang  tower guard,  advance post,  conference hall at ilang  bunkers indikasyon na malaking bilang ng mga rebelde ang nagtatago sa naturang lugar.

Ang pagkaka-kubkob anya ng militar sa kampo ay isang malaking dagok sa komunistang grupo at may malaking epekto sa kanilang operasyon sa lalawigan.

By Drew Nacino

Comments

comments