Ipinagluluksa ng Batch 2000 graduates ng Mindanao State University-Iligan Institute of Technology Integrated Development School ang kanilang kaklaseng si Air Force Maj. Michael Vincent Benolerao.
Si Benolerao, na tubong Iligan City, ay kabilang sa 53 nasawi sa pagbagsak ng C-130 aircraft sa Patikul, Sulu, noong Linggo.
Ayon kay Beatriz Arcinas Canedo, dating kaklase ni Benolerao, isang mahusay na leader at inspirasyon para sa lahat si Mike at kanilang gugunitain ang mga naging masayang alaala nito.
Inihayag naman ni Gemma Banaynal, isa sa mga dating kaklase ng piloto sa St. Michael’s College Grade School, na plano ng kanyang kaibigan na mag-retiro sa susunod na taon kasabay ng ika-20 taon nito sa military service.
Ito’y upang pakasalan ang kanyang nobya sa Canada at kalauna’y mag-migrate sa nasabing bansa kung saan matagal ng naninirahan ang kanilang buong pamilya. —sa panulat ni Drew Nacino
