Isa pang senador ng Estados Unidos ang pinagbawalan na ring makapasok sa bansa.
Ayon kay Presidential Spokesman Salvador Panelo, extended kay U.S. Senator Edward Markey ang ban kina U.S. Senators Richard Durbin at Patrick Leahy na makapasok sa Pilipinas.
Bunga ito ng panawagan ni Markey na palayain na si Senadora Leila De Lima.
Si Markey ay isa sa 11 senador na lumagda sa resolution 142 na inaprubahan ng ng U.S. Senate Foreign Relations Committee kung saan ipinapanawagan ng mga U.S. senators ang pagpapalaya kay De Lima.
Hindi naman masagot ni Panelo kung bakit sina Markey, Durbin at Leahy lamang ang pinagbabawalang makapasok sa Pilipinas gayung ma7 walong iba pa ang lumagda sa resolusyon.
