Patay ang isang lalaki habang sugatan ang apat na iba pa matapos mahulog ang isang elf truck sa palayan sa Sablayan, Occidental Mindoro.
Kinilala ni Chief Insp. Jeny Magan, officer-in-charge ng Sablayan Municipal Police ang nasawi na si Manuel Dacillo Arcega, 26 anyos.
Mag-aala syete kagabi nang maganap anya ang aksidente sa sitio yapang, barangay batong buhay na malapit sa pinangyarihan ng aksidente noong marso a-bente kung saan labinsyam na pasahero ng dimple star bus ang nasawi.
Nawalan umano ng control sa sasakyan ang driver ng truck dahil madulas ang kalsada matapos umulan.
Sinasabing nakisakay lamang ang mga biktima sa truck dahil wala silang masakyan na bus.
