Pinag-aaralan na ng pamahalaan ang indemnification agreement sa Pfizer – BioNTech.
Ito ay ang kasunduang magbibigay katiyakan na mababayaran ang mga Filipinong makakaranas ng matinding side effects matapos mabakunahan.
Ayon kay National Task Force against COVID-19 Deputy Implementer Vince Dizon, inaasahang maisasapinal na ang naturang indemnification agreement sa mga susunod na araw.
Sinabi dizon, tinatayang isang linggo lamang maaantala ang pagdating ng bakuna NG Pfizer–BioNTech.
Aniya, gagamitin nila ang naturang panahon upang makumpleto na rin ang mga kinakailangang dokumenro para sa delivery ng nasa isang daan at labing pitong libong doses ng bakuna ng Pfizer mula sa Covax facility.
Una nang sinabi ni Vaccine Czar Secretary Carlito Galvez na naipadala na sana sa Pilipinas ang unang batch ng bakuna ng Pfizer-BioNTech, kahapon, kung may indemnification law lamang sa bansa.
