Incoming BSP Governor itinangging kilalang personal si Duterte

Ipagpapatuloy ni incoming BSP o Bangko Sentral ng Pilipinas Governor Nestor Espenilla ang mga nasimulan ni outgoing Governor Amando Tetangco Jr.

Ito ang pagtitiyak ni Espenilla lalo’t marami sa mga programang naisalya ni Tetangco ang nakatulong ng malaki sa pagpapalago ng pananalapi sa bansa.

Kabilang sa mga nakahanay na programa ni Espenilla sa BSP ay ang liberalization ng foreign exchange controls na pangunahing concern aniya ng mga negosyante.

Ngunit sinabi ni Espenilla na magpapatupad din siya ng survey para sa mga programa ng BSP na nangangailangan ng mga pagbabago na hindi naman nalalayo sa mga magagandang polisiyang nasimulan ni Tetangco.

Kasunod nito, itinanggi rin ni Espenilla na personal niyang kilala si Pangulong Rodrigo Duterte na nagtalaga sa kanya sa puwesto at tumangging magkomento kung si Finance Secretary Carlos Dominguez ang kanyang naging tulay para maitalaga sa nasabing posisyon.

By  Jaymark Dagala   

Comments

comments