Sumakabilang-buhay matapos atakahin sa puso ang state auditor na nasa likod ng kontrobersiyal na Department of Health audit report.
Ayon kay dating COA Commissioner Heidi Mendoza, posibleng pumanaw ang dati niyang katrabahong si Atty. Jake Cimafranca dahil sa stress sa pagtatrabaho sa komisyon.
Nakiramay si Mendoza sa pamilya ni Cimafranca maging sa resident audit team sa DOH na pinamunuan ng yumaong state auditor.
Tumulong din aniya si Cimafranca sa pagbalangkas sa audit report ng Department of Information and Communications Technology.
Magugunitang sinabon ni Pangulong Rodrigo Duterte at iginiit na tigilan na ang pagpapalabas ng audit report sa mga ahensya dahil tila lumilitaw na ninakaw ng isang kagawaran ang pondo at nag-iiwan ng impresyon sa publiko na mayroong naganap na katiwalian.—sa panulat ni Drew Nacino
