Sasailalim sa cross-examination ang ina ng Filipina Death convict sa Indonesia na si Mary Jane Veloso na si Celia Veloso sa pagpapatuloy ng hearing ng human trafficking case laban sa recruiter umano ng kanyang anak.
Ayon kay Atty. Josalee Deinla ng National Union of Peoples Lawyers, nakatakdang dumalo bukas ang nakatatandang Veloso sa sala ni Nueva Ecija Regional Trial Court Judge Noel Tribiana para sa cross-examination ng Public Attorney’s Office na legal counsel ng mga akusado.
Si Celia Veloso ang Ikalawang testigo para sa kaso laban kina Cristina Sergio, Julius Lacanilao at ang nananatiling at-large na African suspek na kinilala lamang sa alyas na “ike”, na miyembro umano ng West African drug syndicate.
By: Drew Nacino
