Isinasapinal na ng “Magnificent 7” o independent minority sa Kamara ang ihahain nilang impeachment complaint laban sa walong mahistrado ng Korte Suprema.
Kaugnay ito ng pagpabor ng mga naturang Supreme Court Justices sa Quo Warranto petition na nagpatalsik sa dating punong mahistrado na si Maria Lourdes Sereno.
Ayon kay Akbayan Partylist Representative Tom Villarin, nagpulong na sila kasama ang iba’t ibang abogado para paghandaan at isapinal ang nasabing reklamo.
Kabilang sa mga grounds na ihahain laban sa mga mahistrado ay “culpable violation of the constitution” matapos umanong labagin ng mga ito ang kapangyarihan ng kongreso na magpatalsik ng isang impeachable official.
At “betrayal of public trust” dahil sa hindi pag-inhibit ng mga mahistrado lalo na iyong anim na tumestigo sa impeachment hearing ng kamara.
