Inihahanda na ng independent minority ng Kamara ang impeachment case laban sa walong mahistradong pumabor sa quo warranto petition laban kay dating Supreme Court Chief Justice Maria Lourdes Sereno.
Sinabi ni Magdalo Partylist representative Gary Alejano, miyembro ng Magnificent 7 na tinatapos at isinasapinal na nila ang pagkalat ng mga dokumento kaugnay sa nasabing reklamo para maihain na sa buwang ito.
Kasabay nito, inihayag ni Alejano na nangangamba siyang mawalan na ng tiwala ang publiko sa judicial system ng bansa dahil sa pagpabor ng mayorya ng mga mahistrado ng high tribunal sa nasabing petisyon.
