Dapat mabigyang linaw ng mga may-akda ng Anti-Distracted Driving Act ang ilang probisyon ng ADDA upang matiyak ang maayos na implementasyon nito.
Ayon kay dating Land Transportation Office o LTO Chief Alberto Suansing, Secretary General ng Philippine Global Road Safety Partnership, kabilang sa dapat ipaliwanag ang Section 5-C na probisyong nagbabawal sa mga driver na gumamit ng gadgets habang nakahinto sa traffic light.
Karamihan aniya sa mga kalsada sa bansa ay makitid kaya’t imposibleng huminto ang isang driver para gumamit ng gadget.
Hinimok naman ni Suansing ang mga motorista na pagpaliwanagin ang transportation committees ng Senado at Kamara at maghain ng petisyon upang mabigyang linaw ang nasabing probinsyon ng batas.
By Drew Nacino
Ilang probisyon ng Anti-Distracted Driving Act ipinalilinaw was last modified: July 7th, 2017 by DWIZ 882