Sugatan ang ilang pasahero ng jeep matapos silang lumundag palabas ng sasakyan matapos magdeklara ng hold-up ang isang lalaki sa Tondo, Maynila.
Ayon sa ulat, kita sa CCTV ang pagtalon ng mga nasabing pasahero kabilang ang isang babae na sa bintana pa dumaan.
Inagaw pa ng holdaper sa driver ng jeep ang manibela nang makuna na nito ang mahahalagang gamit ng mga biktima para tangkain na patakbuhin ang jeep.
Pero umatras ang jeep at bumangga kaya nasakote ang kawatan na kinilalang si Mark Anthony Yburan.
Ayon sa suspek, nawalan siya ng trabaho kaya napilitan itong manghodap para sa gamot ng kanyang anak.
Nabawi naman na kay Yburan ang mga gamit na kunuha nito pati na ang patalim na kanyang ginamit sa pang-hoholdap.
Mahaharap sa kasong Roberry by Intimidation ang suspek.—sa panulat ni Rex Espiritu