Napilitang magpatupad ng pork holiday ang ilang mga tindero ng baboy sa unang araw ng pagpapatupad ng price freeze sa karneng baboy at manok.
Tulad na lamang sa Commonwealth Market sa Quezon City kung saan karamihan sa mga tindahan ng karneng baboy ay sarado habang dalawang tindahan ng manok lamang ang nagbukas.
Ayon sa mga vendors, mas pinili nilang hindi na muna magtinda kaysa malugi dahil sa price cap.
Wala aniya silang makuhanan ng murang baboy at manok para maibenta alinsunod sa itinakdang price ceiling ng pamahalaan.
