Nagtipon-tipon ang mga drag queen at ilang malalaking personalidad mula sa LGBTQIA plus community para sa “Unkabogaball” party na pa-event ni Vice Ganda sa Cebu.
May temang Philippine “Herstory” ang kaganapan na layong ipagdiwang ang talento ng queer people.
Kabilang sa mga dumalo sina “IDOL Philippines” Lucas Garcia, Macoy Dubs, “Drag Race Philippines” Corazon, Turing Quinto at Lady Morgana, Miss International Queen 2022 Fuschia Anne Ravena, Miss Q and A Queen of the Multibeks Anne Patricia Lorenzo, Francine Garcia at iba pa.
Matatandaang naghost din si Vice Ganda ng isang “Unkabogaball” party noong Enero at sinabing nais niyang gumawa ng event upang magkasama-sama LGBT community. —sa panulat ni Jenn Patrolla
