Nalubog sa baha ang ilang mga bayan sa lalawigan ng Quezon at Camarines Sur dahil sa tuloy – tuloy na pag-uulan dulot ng bagyong “Ramil” ngayong araw.
Tinatayang nasa 20 pamilya ang boluntaryong lumikas sa kanilang mga tahanan Lopez, Quezon matapos magdulot ng baha ang umapaw ang Talolong River.
Nasa anim (6) na barangay naman sa Atimonan, Quezon ang binaha kung saan aabot sa anim na mga pamilya ang napilitang lumikas.
Habang umaabot naman sa apatnapu’t tatlong (43) mga pasahero ang na-stranded sa Atimonan Port.
May napaulat ding landslide sa bahagi ng Maharlika Highway sa Plaridel bagama’t nadadaanan na ito.
Samantala, abot tuhod naman ang baha sa Baao at grand terminal sa Labo, Camarines Sur.
