Kanselado ang klase sa ilang lugar sa bansa ngayong araw, December 15 dahil sa mga pag-ulang dulot ng bagyong Urduja.
Walang pasok sa lahat ng antas sa pampubliko at pribadong mga paaralan sa Albay, Sorsogon, Camarines Sur at Catbalogan, Samar.
Suspendido naman mula preschool hanggang elementarya sa lalawigan ng Cebu.
Kanselado na rin ang klase mula kinder hanggang elementarya sa mga pampublikong paaralan sa Bohol.
Samantala, nag-anunsyo na rin ang lalawigan ng Sorsogon ng kanselasyon ng klase sa lahat ng antas ngayong araw hanggang bukas, December 16.
—-
