Inabisuhan ng Department of Public Works and Highways ang mga motorista na umiwas sa ilang kalsada sa Quezon at Caloocan Cities at dumaan na lamang sa mga alternatibong ruta ngayong weekend dahil sa road reblocking at repair, na nagsimula alas-11:00 kagabi.
Kabilang sa mga apektado sa Quezon City, northbound ang outer lane ng Visayas Avenue sa tapat ng Jolibee; EDSA mula Howmart hanggang Oliveros, 5th Lane at Quirino Highway malapit sa Sacred Heart of Jesus, outer lane.
Sa southbound naman sa Caloocan, apektado rin ang A. Bonifacio Avenue mula Doctor Alejo Street hanggang Calavite Street, middle at inner lanes;
Bonifacio Monumento Circle, kaya’t pinapayuhan ang mga motorista na dumaan na lamang sa General Tinio at B. Serrano Streets.
Muling madaraanan ang mga nasabing kalsada sa Lunes, Enero 29, simula ala 5:00 ng umaga.
