Pinaalalahanan ng Manila Police District (MPD) ang mga motorista, hinggil sa mga isasarang kalsada sa Linggo, Hunyo 12, bilang paggunita sa Araw ng Kalayaan.
Ayon sa MPD, isasara ang magkabilang lane ng Roxas Boulevard mula sa Katigbak Drive hanggang sa TM Kalaw, mula alas-8:00 hanggang alas-10:00 ng umaga.
Dahil dito, pinayuhan ng MPD ang mga motorista na mula sa Delpan na kumaliwa nalang sa P. Burgos patungo sa Taft; at ang mga mula naman sa Pasay ay kumanan nalang sa Quirino at kumaliwa sa Taft.
By Katrina Valle | Aya Yupangco (Patrol 5)
