Sarado ang ilang bahagi ng EDSA kasabay ng pagdiriwang ng ika-30 anibersaryo ng People Power Revolution, ngayong araw.
Ayon sa Metropolitan Manila Development Authority (MMDA), simula kaninang hatinggabi hanggang ala-1:00 mamayang hapon ay sarado ang EDSA northbound mula Ortigas hanggang Santolan.
Ala-7:00 naman ngayong umaga ay sarado na ang EDSA southbound mula Santolan hanggang EDSA Shrine sa Ortigas hanggang matapos ang programa.
Pinayuhan naman ng MMDA ang mga motorista na dumaan na lamang sa mga alternatibong ruta tulad sa West Triangle, Quezon Avenue, Kamuning at Aurora Boulevard para sa mga pa-southbound;
Sa mga pa-northbound lalo ang mga nagmumula sa C-5, maaaring kumaliwa sa Aurora Boulevard sa halip na sa Santolan.
By Drew Nacino
