Ipinasara ni Manila Mayor Isko Moreno ang ilang business establishments sa Binondo, Maynila na nagbebenta ng beauty products kung saan nakasaad sa pakete na probisyang China ang Pilipinas.
Dalawa sa mga ipinasarang establishments ang nasa Binondo samantalang isa ang nasa Divisoria Mall.
Ang dalawa sa mga tindahan na nasa Divisoria ay sarado nang puntahan ng mga tauhan ng Manila City Hall kaya’t nagpaskil na lamang sila ng closure notices sa harap ng tindahan.
Una nang sinita ni PBA Partylist Representative Jericho Nograles ang pakete ng elegant fumes beauty products kung saan nakalagay na probinsya ng China ang Pilipinas.
