Hindi pa rin naisasapinal ang ilang detalye sa paparating na State of the Nation Address ni Pangulong Rodrigo Duteretre kahit pa napag-uusapan na ang ‘blended’ SONA.
Ayon kasi kay House Speaker Alan Peter Cayetano, dahil nais ni Pangulong Duterte na malapit sa mga tao ang gagawin nitong pagharap sa bayan, mas gusto aniya ng pangulo na sa batasang pambansa pa rin ito ganapin.
Pero paliwanag ni Cayetano, ikinukunsidera rin aniya ang seguridad, kaligtasan, at kalusugan ng pangulo.
Kasunod nito, ayon sa pamunuan ng manbabang kapulungan, wala aniya silang balak na punuuin ang kapasidad ng session hall, dahil ang ilang mga kongredsista kasi ay lalahok sa pamamagitan ng virtual conferencing.
Giit pa ni speaker cayetano, sa pamamagitan ng hakbang na ito, nais nilang maging halimbawa sa publiko hinggil sa pagsunod ng mga umiiral na health protocols kontra coronavirus disease 2019 (COVID-19).
Samantala, tiniyak din ng Kamara na handa silang tumalima sa anumang bagay na papabor sa Palasyo.
