Nagtaas na rin ang presyo ng ilang canned goods bunsod ng pagmahal ng presyo ng raw materials o mga gamit sa paggawa ng de latang karne.
Nag-abiso na sa Department of Trade and Industry (DTI) ang ilang manufacturer ng corned beef, beef loaf at meat loaf hinggil sa taas-presyo sa kanilang mga produkto kung saan naglalaro sa 50 hanggang 1.00 ang dagdag.
Tumaas na rin ang presyo ng ilang pampalasa o condiments gaya ng toyo, suka at patis.
Gayunman, nilinaw ng DTI na hindi dahil sa Tax Reform for Acceleration and Inclusion (TRAIN) ang taas-presyo at hindi naman lahat ng brand ay nagpatupad ng price increase.
Samantala, tumataas na rin ang presyo ng mga produktong may imported na sangkap bunsod naman ng paghina ng Piso kontra Dolyar.
RPE
