Apektado ng molasses spill mula sa isang sugar mill ang apat na barangay sa Binalbagan, Negros Occidental.
Ayon kay Binalbagan Mayor Alejandro Mirasol, kabilang sa mga apektadong barangay ang San Juan, Canmoros, Marina, at Progreso.
Sinabi naman ni City Environment and Natural Resources Office-Kabankalan Supervising Environment Management Specialist Lucia Salazar, na umabot na sa ilog ang natapong molasses.
May naiulat din aniyang insidente ng fish kill sa barangay canmoros.
Dagdag pa ni Salazar, nakakuha na sila ng sample ng tubig mula sa binalbagan river para sa laboratory test.
Samantala, iniimbestigahan na rin ng PCG-Southern Negros Occidental ang naturang insidente.
