Ilan pang mga artista ang nagpositibo sa COVID-19 matapos ang sunod-sunod na holiday activities.
Bukod kay volleyball star Alyssa Valdez, kabilang pa sa mga nagpositibo ay sina Sofia Andres, Candy Pangilinan, Miss Universe 2015 Pia Wurtzbach maging ang tv-host-youtuber na si Karen Davila.
Sa social media post ng mga nasabing pangalan, nakararanas sila ngayon ng pananakit ng lalamunan, headache, sipon, ubo at kawalan ng ganang kumain.
Sa ngayon, sumailalim na sila sa home-quarantine para maiwasan ang hawahan ng COVID-19.
Samantala, nagpasalamat naman sila sa kanilang mga fans sa patuloy na suporta at pagmamahal at nanawagan na maging maingat sa virus at alagaan ang kalusugan sa gitna ng pandemiya. —sa panulat ni Angelica Doctolero
