Tinukoy ng isang federal agency sa Russia na Rospotrebnadzor na 100% effective laban sa coronavirus disease (COVID-19) ang bakuna na EpiVacCorona na likha ng bansang Russia.
Ito ay base sa isinagawang Phase I at Phase II trials kung saan lumabas na ligtas ang bakuna, nakapagbu-boost ng immune system subalit may side-effect pa ring maidudulot batay sa isinagawang trial sa 100 katao edad 18-60 years old.
Karaniwang isinasagawa ang early-stage trial sa tao base sa dugo mula sa participants na walang exposure sa virus, samantalang ang larger late-stage trials naman ay ginagawa sa mismong pasyente.
Magugunitang sinimulan ng Russia ang trial sa EpiVacCorona nitong Nobyembre nang nakaraang taon.— sa panulat ni Agustina Nolasco
